IA-p Atlantikup Avannaani suleqatigiinneq upperaa
Partiit nunatsinneersut tamarmik Atlantikup Avannaani Suleqatigiinni suleqatigiinnissaannut qaaqquneqarput. Taakkua isumaqarput Atlantikup Avannaani Suleqatigiinni ataatsimoorluni sulinermi Kalaallit Nunaat sinnerlugu Folketingimi suliat ersarinnerussasut, anguniakkallu ajunnginnerusumik anguneqarsinnaassasut.
Atlantikup Avannaani Suleqatigiinni suleqatigiinnikkut peqatigiinnikkullu suliat pitsaanerpaamik suliarineqarsinnaassasut Folketingimut qinigassanngortittut isumaqarput, taamaaliornikkut qinikkat nammineq malersorusutatik suliarissassavaat, aammalu nammineq ataatsimiikkusuleraangamik ataatsimiittarlutik, politikkikkullu anguniagarerusutat aalajangertassallugit, IA-p Folketingimut qinigassanngortitaat allapput.
Taakkua erseqqissaatigaat, Folketingimi partiit taamaasa eqqartueqatigerusullugit, isummat tunngavilersuutillu pillugit paasinnissinnaanissaat anguniarneqarluni. Ministerit apeqquteqarfigineqarsinnaasarnerat atorluarniarpaat, Folktingimilu ataatsimiittarfimmi apersuisoqarsinnaagaangat periarfissaq atorluarniarlugu.
Nunatsinni partiit allat Atlantikup Avannaani Suleqatigiinni suleqatiserineqarput, suleriaasissat nammineq aalajangerlugu Folketingimilu ilaasortaaffiit marluk atorluarniarneqarlutik.
