IA-mi assigiinngitsumik oqalupput
Folketingimut ilaasortaq IA-meersoq Aaja Chemnitz Larsen marlunngormat oqarpoq, naammaleqisoq, Danmarkilu aqqutissatut kingulertut Kalaallit Nunaannut meeqqat inuusuttullu inooqataanikkut ajornartorsiutaannik iluarsiiniarnerani ikiuuttariaqartoq.
Aamma atuaruk Danskit politikerii kalaallit meerartaannik ikiuinissaminnik piareersimapput
Danmarkip Nunatsinni isumaginninnermik sulinermut aningaasanik tapiissuteqarnissaanik piumasaqarneq, partiillu Nunatta aningaasarsiornikkut naalakkersuinikkullu namminersortunngornissaanik anguniagaa qanoq imminnut ataqatigiitsiginersut, IA-p siulittaasua, Sara Olsvig, KNR-imiit aperaarput:
- Erseqqissumik oqaatigerusuppara, Isumaginninnermut tunngasut nunatta nammineq akisussaaffigivai. Aamma Inuit ataqatigiinni Folketingimut ilaasortaatitatta erseqqissumik oqaatigaa; taama iinnassooq.
Sara Osvigilu ima nangippoq:
- Inuit ataqatigiinniit oqaatigiuarparput, uanilu aamma pineqartumi oqaatigineqarpoq, suliassaqarfik inunnik isumaginninneq nunatta nammineq akisussaaffigivaa, taamaammallu suliaq maanngaanniit aqunneqartumik ingerlassooq.
Aamma atuaruk Martha Lund Olsen meeqqat pillugit nassuiaateqartussanngortoq
Tassalu siulittaasup parteeqatini folketingimi ilaasortaq isumaqatiginngilaa, taanna ippassaq oqarmat, qallunaat naalakkersuisuisa Nunatsinni Naalakkersuisut pissutsinik iluarsiiniaqqullugit kimigiiserfigisariaqaraat, aammalu immaqa amerlanerusunik aningaasaliillutik:
- Danmarkimiit ikiuutissappata, tamanna aningaasaliinikkut pissaaq, Aaja Chemnitz Larsen KNR-imut ippassaq oqarpoq.
Sara Olsvigilli nunatsinni isumaginninnikkut ajornartorsiutit Danmarkimit amerlanerusunik aningaasaliinikkut aaqqinneqarnissaat itigartippaa.
- Uani pisarput tassaavoq, suliassaqarfiit, tassunga aamma sunniuteqartartut, danskit suli isumagisaat naammattumik isumagineqanngillat.
Aamma atuaruk Meeqqat sumiginnakkat pillugit ministeriuneq akuleruteqquneqartoq
IA-p siulittaasuata kissaatigaa, akisussaaffiit suli nunatsinnit tiguneqanngitsut Danmarkip akisusaassuseqarfiginerussagai.
- Assersuutigiinnarlugu nunaqarfinni tamani kommunefogedeqalersitsillutik, ilaqutariit pillugit inatsisit nutarterneqartariaqarput, Sara Olsvig oqarpoq.
Aamma atuaruk Aaja: Kalaallit meerartai ikiorniarlugit danskit aningaasaliissagaluarput
