IA Aasianni toqqissiviilliorpoq
Aasianni Inuit Ataqatigiit akornanni suli eqqissiviilliortoqarpoq. Kommunalbestyrelsemi qinersinermi kingullermi, IA sinnerlugu qinigaasoq Peter Frederik Gedionsen IA-miit anisimalluni raatiuaviisimut oqarpoq. Qaammat kingulleq Aasianni Inuit Ataqatigiit sinnerlugit kommunalbestyrelsemut qinikkat marluk, tassaasut Leo Rosing aamma Enok Sandgreen attaviitsunngorput. Aasianni IA-p iluani isumaqatigiinngittoqarnera, aasianni IA-p siulittaasuata tulliata Inuaraq Petersen-ip ima patsisilersorpaa.
- Maani pisoq nutaajunngilaq. Qinigaaffiit siuliininngaanniit ajornartorsiutit taakku pilersimapput. Ingammik qinigaaffimmi kingullermi nutaat arlallit isernikuupput, maannakkullu inuit akornanni oqaloqatigiissinnaannginneq kingumut qaqeqqilluni. Maanna kommunalbestyrelsemi IA-meersut sisamaannaavugut, taamaakkaluartoq sulinissarput suli toqqammavissaqarpoq. Taama oqarpoq Aasianni Inuit ataqatigiinni siulittaasup tullia Inuaraq Petersen.
