Helle Thorning-Schmidtimik qalipagaq uleerneqartoq

Danmarkip statsministerisimasaata Helle Thorning-Schmidtip qalipallugu assinga ullumi uleerneqarpoq.

Politikerit assigiinngitsut, tusagassiortut, eqqumiitsuliortoq assimik qalipaasoq pingaarnertullu inuttaasoq Christiansborgimi ilassinninnermi peqataaneranni tamanna pivoq, assingalu Christiansborgimi aamma nivingassaaq.

Assimik qalipaasussaq kinaassanersoq statsiministeriusimasup ileqqoq malillugu nammineq toqqartarpaa, Helle Thorning-Schmidtillu eqqumiitsuliortoq Ditte Ejlerskov assimik qalipaasussatut toqqarsimavaa, Danmarkimi arnat akornanni siulliulluni statsministeriusimasup assinga taassuma qalipammagu.

Folketingip siulittaasuata Pia Kjærsgaardip qalipakkamik uleersinermi Helle Thorning-Schmidt qunusuitsutut taallugu nersualaarpaa, namminerlu ernuttaminut maligassiuilluartutut aamma taallugu:

- Ernuttama peroriartorneranni tv-kkut saqqummertarputit. Qularutiginngilara pinnguarnerminni oqaloqatigiinnerminnilu isiginnaarut qiviariarlugu ilaatigut eqqarsartarsimassasut: Ajoranimi una arnaq, Pia Kjærsgaard oqarpoq.

Helle Thonring-Schmidtip assinga Christiansborgimi Vandrehalimi nivingassaaq, siornatigut statsiministeriusimasut assingi amerlasuut tassani aamma nivingapput.

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!