Assi: KNR

Haship akiorniarneqarnera annertusaqqikkusukkaa

Nunatsinni akiaroornartup akiorniarnissaanut atatillugu nakkutilliinerunissaq anguniarlugu, Siumumeersoq siunnersuuteqarpoq.

Umiarsualivinni annerusumik nakkutilliisoqatarnerisigut akitsuuserisullu amerlanerisigut ikiaroornartunik eqqusseriartarnerit akiorneqarsinnaalissasut, Siumumeersoq, Karl Kristian Kruse Inatsisartut ataatsimiinnissaannut atatillugu siunnersuuteqarpoq.

Akitsuuserisut sukannersumik nakkutilliisalernissaat pillugu siunnersuuteqartoq, Siumumeersoq Karl Kristian Kruse, taama isumaqarpoq.

Aviisi AG taama allaaserisaqarpoq.

Kilisaat nunatsinneersoq Islandimiitilluni ikiaroornartumik hashimik 20 kilomik januaarimi nassaarfigineqarmat anngiorluni eqqussuineq eqqartugaalerpoq. Taamaammat hashimik eqqussuisarnerup akiorniarneqarnissaa piffissanngortoq, Karl Kristian Kruse isumaqarpoq.

Atlantiku ikaarlugu Nuummut aqqutip akitsuuserisunit amerlanerusunit nakkutigineqarnissaa pisariaqarsorineqarpoq.
Tamaanimi annertuunik nioqqutissanik eqqussuisoqartarlunilu avammut nioqqutissiortoqartarpoq.
Kilisaatillu avataaneersut nunatsinneersullu Nuuk talittarfigisarpaat. Taamaattumik nakkutilliisoqanerulernissaa
pisariaqartoq, Karl Kristian Kruse taama allaaserisaqarpoq.

Atlantiku ikaarlugu aalisarnikkullu kisimi nakkutilliisoqaannarani aammali takornariartaassuit tikitsillugit misissorneqartalernissaa pisariaqartoq, siunnersuuteqartoq allaaserisaqarpoq.

Kujataani akitsuuserisoqarfimmik pilersitsisoqartariaqartoq Nanortalimmilu umiarsuit minnerit amerlasuut talittarfiigisaani annerusumik misissuisarnissat aamma pisariaqartut, Karl Kristian Kruse isumaqarpoq.

Akitsuuserisut nunatsinniittut katillugit arfinillit atorfeqarput, taakkulu talittarfinni, mittarfinni sinerissamilu nakkutilliisuusarlutik.

Karl Kristian Krusep siunnersuutaa Inatsisartut upernaakkut maajip sisamaani ataatsimiilerpata siullermeerneqassaaq.

Killeqarfimmik nakkutilliineq ullunik 20-inik ilaneqartoq, danskit nunasisunut ministereqarfiat taamma nalunaaruteqarpoq. Danskit naalakkersui naliliipput, unioqqutitsillutik nunasiniarsarisut amerlasuut Danmarkimut suli amerligaluttuinnartut.

- Killeqarfimmik nakkutilliineq nuannarinngikkaluarparput. Svenskit danskillu killilersungaanngitsumik angalasinnaanerat, Europamilu ataatsimoorluta ukiorpassuarni sulissutigisimavarput, nunasiniartunut ministeri
Inger Støjberg tusagassiuutinut oqarpoq.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!