VIDEO Hashimik atornerluinermut katsorsaaneq meeqqat atuarfiisa ilaanni iluatsilluartoq
- Atuartumut iluaquteqarpoq. Atuartoq tunniusimanerulerpoq atuarfimmilu malinnaalluarsinnaalluni. Illuatungaatigullu angerlarsimaffimmi ataqatigiinnerulerput oqaloqatigiinnerulerlutillu, Helene Geisler, atuarfimmi isumaginninnermi siunnersortaasoq taama oqarpoq.
Atuartup atornerluinerminut katsorsarneqarnissaa arnaata nammineerluni kissaatigisimavaa. Siusissukkullu iliuuseqarnissaq pingaaruteqarpoq, allaammi meeqqat aqqanilinnik ukiullit akornanni hashimik pujortarneq aamma atugaalersimammat.
Aamma atuaruk GUX-ni ikiaroornartoq ajornartorsiutaanngilaq
Taamaammat Helene Geisler isumaqarpoq atuartut hashimik atuisut atuarnerminni kinguaattuunnginnissaat pillugu suliniuteqartoqartariaqartoq.
- Katsorsaariaatsimut tunngasut atorluarneqarsinnaapput aamma siammasinnerusinnaanasorivakka, isumaginninnermi siunnersorti taama isumaqarpoq.
Atuartoq pineqartoq sapaatit-akunneri arfinillit ingerlanerini sapaatit-akunnikkuutaartumik oqaloqatiginnittarnermigut hashimik atuiunnaarsimavoq, tamatumali angunissaa imaannaanngitsuuvoq.
- Meeqqap misigissutsikkut inissisimanera nukissaalu sumiinnersut, taavalu oqariartuutaa aallaavigalugu mianersorfissat assoroornalaarsinnaapput, Helene Geisler nassuiaavoq.
Aamma atuaruk VIDEO Meeqqat inuusuttullu ikiaroornartumik atornerluinerat eqqummaariffigineqarpoq
Katsorsaaneq ilinniarfiulluarsimavoq atuartorlu alla maanna aamma taamatut katsorsarneqarluni.
