Hans Enoksen: Suli ingerlaqqinnissatsinnut nukissaqarpugut
KNR-ip qinersinermi tv-ikkut aallakaatitsinerani, Hans Enoksen Katuami Siumut katerisimaatitsivianiittoq apersorneqarpoq. Inuit Ataqatigiit siuariartorneruvoq, Siumut annikinnerusumik siuariaateqartoq.
Allattoq Oline I. Olsen
- Suli neriuuteqarpugut ingerlaqqinnissatsinnut, Hans Enoksen oqarpoq,
Siuariartornerat annikikkaluartoq, suli siuttuunerarpoq, isumalluarlunilu.
- Illoqarfinni inernerit maannamut pakatsinaraluartut, suli neriuppugu, Hans Enoksen oqarpoq.
Siumut naalakkersuinikkut ingerlaqqinngitsuussangaluarpata qanoq iliussavisi?
- Partiitta iluani oqaloqatigiittariaqarpugut, kisianni suleqqinnissatsinnut nukissaqarpugut, Hans Enoksen oqarpoq.