Partii Naleraq: Nanoq illoqarfimmut pippat aallaaneqartariaqarpoq

Nannut illoqarfimmut qanillivallaartarnerat pillugu Ittoqqortoormiormiut toqqissisimanerunissaat pillugu nannut Pinngortitaq pillugu nunarsuaq tamakkerlugu suliniaqatigiiffiup Verdensenaturfondenip aningaasalersugaanik aggustip aallartilaarneraniilli nakkutigineqalerput, nannulli illoqarfimmut qanilligaangata aallaaneqartarnissaat Verdensnaturfondenip aamma aarleqqutigaa.

Aamma atuaruk Kruse: Nannut illoqarfinnukartut toqunneqarsinnaapput

Partii Naleqqalli siulittaasua Hans Enoksen allatut isumaqarpoq:

- Inuup inuunera apeqquseqqaanngivillugu salliunneqassaaq, Hans Enoksen oqarpoq, nangillunilu:

- Nanoq illoqarfimmut pippat piaartumik aallaaneqartariaqarpoq. Utaqqiinnassanngilarput meeqqamik, utoqqarmik allaluunniit pitsorluttoq nannumiit saassunneqarnissaa, Partii Naleqqap siulittaasua, tusagassiuutinut nalunaarummi ilaatigut taama allaaserisaqarpoq.

- Nannut perlilersut ulorianartupilorujussuupput, taamaammat kia akisussaaffigissaneraa utaqqiinnarnagu, nannumik takugutta illoqarfimmut pisimasumik ingerlaannaq toqunneqartariaqarpoq, Hans Enoksen naggasiivoq.

Aamma atuaruk Nannut Ittoqqortoormiit illoqarfiannut pisartut amerlapput