Innarluutilinnik sullissineq nutaamik sullissiviliornikkut pitsanngorsarniarneqartoq
Innuttaasunut innarluutilinnut isumaginninnermi sullissinermilu pissutsit Naalakkersuisut pitsaanerulersinniarpaat, Nunalu Tamakkerlugu Innarluutilinnik Sullissivik aqqutigalugu innuttaasunik ataasiakkaanik siunnersuisarnermut, ilitsersuisarnermut sungiusaanermullu periarfissat assigiinngitsut amerlanerusut neqeroorutigisinnaalersinniarlugit.
- Sullissivik innarluutilinnut tunngassuteqartunut ataatsimut isigalugit pitsanngoriaataassaaq. Siunnersuisarneq, ilitsersuisarneq sungiusaasarnerlu ataatsimoortinneqalissapput, tassami IPIS-imi suliarineqartartut siunissamut sullissivimmi suliarineqartalissammata, Naalakkersuisut tusagassiuutinut taama ilaatigut allaaserisaqarput, Naalakkersuisorlu Sara Olsvig nangilluni ima oqarpoq:
AAMMA ATUARUK Innarluutillit sapaatip akunnerminnik nalliuttorsiortut
- Nuna Tamakkerlugu Innarluutilinnik Sullissivik eqqarsaatigilluagaavoq assersuutissaqqilluinnarlunilu peqatigiilluta akornutaasunik uatsinnik unittooqqajaasitsisunik ajugaaffiginnissinnaanitsinnut. Peqatigiilluta akisussaassuseqassaagut peqatigiillutalu sulissutigissavarput inuit innarluutillit sapinngisamik nalinginnaasumik inuuneqalernissaat qulakkeerniassallugu, Isumaginninnermut naalakkersuisoq Sara Olsvig oqarpoq.
IPIS Sisimiuni ininik attartorallartoq Namminersorlutik Oqartussat nalunaarutigaat, oqarasuaatikkulli qarasaasiakkullu attavigineqarsinnaalluni.
Innarluutilinnik Sullissiviup ukioq manna aggustimi septembarimiluunnit ammarneqarnissaa naatsorsuutigineqarpoq.
