Kangilinnguit isaterneqarnissaa Hammondip unitsikkusuppaa
Kangilinnguit 1946-mili sakkutooqarfiusimasoq isaterneqartussanngorpoq. Danskit illersornissaqarfiat isaterisussarsiorluni massakkut neqeroortitsileruttorpoq.
Folketingimi ilaasortaq Aleqa Hammond isumaqarpoq Kangilinnguit isaterneqarani Naalakkersuisunut qujassutitut tunniunneqassasoq. Kangilinnguit taamaasilluni nunaqavissunit atorluarsinnaanngoqqullugu.
- Inuttaasunut inuiaqatigiinnut kalaallinut atoqqitassanngorlugu tunniussinnaannginneraat taannalu pillugu illersornissamut naalakkersuiusumut ullumi apeqquteqaateqarpunga.
Siumumit Folketingimut ilaasortaq Aleqa Hammond taama oqarpoq.
Aamma atuaruk Kangilinnguit isatertussanngoraat
Innuttaasunit atorluarneqarsinnaasoq folketingimi ilaasortaq isumaqarpoq.
- Naalangaaffimmi pinginnittuninngaanniit Kangilinnguit illutarpassui pitsaasut, atuarfii najungaqarfii assigisaallu isatiinnarneqartussanngorput.
Kuupik Kleistip naalakkersuisuni siulittaasuunerata nalaani aalajangerneqarpoq Kangilinnguani sakkutooqarfik atorunnaarluni Nuummut nuunneqassasoq.
Aamma atuaruk Kangilinnguit takornariarfittut ineriartortinneqarlik
Naalakkersuisunit aningaasartuutit nalornissutigineqarnerat Kangilinnguani ingerlatsinermut qulakkeerneqarsinnaannginnerat nalornisitsisimavoq.
- Aliangiinerit aningaasanik aporfeqartuaannarsimapput namminersorlutik oqartussanut tunniunneqassappat isumagineqarnissaa qanoq aaqqissanersut nalornissutigineqarlutillu aningaasarpassuarnik naleqartussaanerat aporfiusarsimavoq.
Aamma atuaruk Schweizimiut Kangilinnguani nunalerinermik ilinniarfiliulersaartut
Kangilinnguit Naalakkersuisunut qujassutitut tunniunneqassappat aningaasartuutissat qulakkeerneqaqqaartariaqartut Aleqa Hammond isumaqarpoq.
- 300 mio. koruunit atungassiissutigineqarsimasut isaterinissamut aamma saliinissamut tunngatillugu uagut tamattaalluta qulakkeeqqaartariaqarparput aningaasaliissutaasa qaffasissusaat ilumut naapertuuttuunersut.
