Halibutimi pisortamut tullersorti: Russit akisussaaffigaat
Kilisaammi inuttaasimasup oqaluttuaraa, kilisaatip tunisassiorfiani inuttat aalakoorlutik sulisartut, maangaannaq qitserartut quisarlutillu.
Kisianni russit umiarsuaat avaleraarsartoorniut Halibut Greenlandip tunisassiorfianut Ilulissaniittumut attuumassuteqanngitsoq, Halibut Greenlandimi pisortamut tullersortip, Erik Sivertsenip erseqqissarpaa.
Avaleraasartoorniuummi inuttaasimasoq KNR-imut pingasunngornermi oqaluttuarpoq russit kilisaataata Aleksandr Meronenkop tunisassiorfiani eqqiluisaartoqannginnerarlugu. Tassa suleqatit aalakoorlutik sulisartut, tunisassiorfimmi maangaannaq qitserarlutillu quisartut oqaluttuaralugu.
AAMMA ATUARUK Niugunik aningaasarsiassaqanngillat
AAMMA ATUARUK ASSIT Halibut Greenlandip avaleraarsartoorniutaani suleruluttut
Halibut Greenlandip Ilulissani tunisassiorfia taavalu umiarsuaq Halibut Greenland Pelagic ApS-ip attartugaa imminnut attuumassuteqanngitsut, pisortap tullersortaata erseqqissaatigaa.
Ilulissani tunisassiorfik, inuussutissat pillugit oqartussaqarfimmit piumasaqaatit sakkortuut toqqammavigalugit tunisassiortoqartoq, taanna erseqqissaavoq.
Aleksandr Meroninkomilu tunisassiornermi pissutsit, Halibut Greenlandimit akisussaaffigiumaneqanngillat.
- Tunisassiorfimmi ingerlatsisuulluni tamakkua pissutsit maani atorneqannginneri erseqqissaatigiinnassuara. Aammalu tusarlugu taanna pissusissamisuunngilaq. Kisianni ingerlatsineq russit namminneerlutik ingerlatarigamikku akisussaaffigissuaat, Erik Sivertsen oqarpoq.
