Halibut Greenland sinneqartoorpoq
Suliffeqarfik annermik aalisartunik pigineqartoq 46 millionit koruuninik sinneqartooruteqarpoq. Akileraarutit akilereerlugit 30 millionit koruuninik sinneqartooruteqarluni.
Kaaviiaartitanut sanilliullugu sinneqartoorut 21,1 procentiuvoq, tamannalu pitsaalluinnartutut isigineqartariaqarluni.
- Tamannalu pitsaalluinnartutut isigineqartariaqarpoq, Halibut Greenlandimi pisortaq Niels Thomsen tusagassiutinut nalunaarummi allappoq.
Sinneqartoorutit taama amerlatiginerannut pissutaavoq Halibut Greenlandip aningaasartuutimi appasinnissaat pikkoriffigisimammagu.
Aalisakkanik tunisassiorfiup aalisartunut sulisartunullu 109 millionit koruunit aningaasarsiatut tuniussimavai. Taakkua ukiup siulianut sanilliullugit 21 millionit koruuninik amerlanerullutik, Halibut Greenland tusagassiuutinut nalunaaruteqarluni taama allappoq.
