Piniarsinnaanermut allagartat atuuttut sivitsorneqartut
Inuussutissarsiutigalugu aamma sunngiffimmi piniarsinnaanermut allagartat 2014-imut atuuttut sivitsorneqassasut, Aalisarnermut Piniarnermut Nunalerinermullu Naalakkersuisoqarfik aalajangerpoq tassa aappaagu marsip 31-at ilanngullugu atuutiinnarnissaat aalajangiunneqarluni.
Allattoq Apollo Jeremiassen
Inatsisartunut qinersisoqarnissaanik nalunaaruteqartoqarnerata kinguneranik allannguinissanik piffissaqartoqarsimannginnera, taama aalajangernermut patsisaavoq.
Allannguutit taakkua tusarniaasoqareernerata kingorna Naalakkersuisunngortussanut akuerisassatut Naalakkersuisoqarfiup innersuussutiginiarai, tusagassiutinut nalunaarumminni allassimavoq.