Assi: Boas Møller

Assammik arsaalluni GM GSS-ip kuultit tamakkerpai

Assammik arsaalluni nunatsinni pissartanngorniunnerit sapaatiummat naammassineqarput, GSS-ilu Nuummeersoq pissartanngorniutivinnerni kingumut ajugaarujussuaqqippoq.

Nunatsinni assammik arsaalluni pissartanngorniunnerit Nuummi Inussivimmi ulluni arfinilinni ingerlanneqarput. Pissartanngorniutivinnerillu sapaammi naammassineqarput.

GSS-ip Nuummeersup angutitai arnartaalu ajugaarujussuarput. Angutit pissartanngorniutivinnerini GSS aamma Norsaq HC unammimmata GSS 31-17-imik ajugaavoq, Danny Brandtilu unamminermi takutitsilluarnerpaatut toqqagaalluni.

Arnani pissartanngiuttoqarmat GSS aamma Team Nuuk unammipput, GSS-ilu 43-11-mik ajugaarujussuarpoq. Team Nuullu ajorsaraluartoq Sandra Rothberg Team Nuummeersoq unamminermi takutitsilluarnerpaatut toqqagaavoq.

Norsaq HC-meersoq Tippu G. Rafaelsen ukioq manna nunatsinni pissartanngorniunnerni ajuunnerpaavoq. 63-riarluni ajuuppoq. Angutinilu NÛK-meersoq Inuk Ostermann Sørensen ajuunnerpaavoq. Unamminerni arfinilinni 45-riarluni ajuulluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!