ASSIT Greenpeacep umiarsuaanut alakkartereqataagit
Arctic Sunrise Tunup avannaata imartaanut ingerlaqqittussaavoq, sumiiffimmi uuliamik gassimillu ujarlernermut atatillugu sajuppillatsitsisarluni misissuinerit Naalakkersuisut akuersissuteqarfigisimasaat nakkutigeqqissaassallugit.
Greenpeace naapertorlugu, sumiiffimmi kilometerinik 10.000-inik annertussuseqartumi nipi 259 dB-nik nipitussuseqartoq atorlugu immap naqqanik sajuppillatsitsisarluni misissuinerit arfernut uumasunullu miluumasunut allanut sumiiffimmiittunut annertuumik kingunerlutsitsisinnaapput.
Taamaammat avatangiisinik illersuiniaqatigiiffiup angalanerata siunertaraa, sajuppillatsitsisarluni misissuinerit, norgemiut suliffeqarfiutaannit GS-NOPEC Geophysical Companymit tunup avannaata avataani ingerlanneqartut, sunniutaannut uppernarsaatissanik tigussaanerusunik katersuinissaq.
Umiarsuup Nuummi tamanut ammatinneqarnerani ilaatigut ilinniarnertuunngorniat alakkarteripput. Inuusuttut umiarsuarmi takornariartinneqarnerminni sunik pissariaqarsimanersut aammalu Greenpeace pillugu qanoq isummersuuteqarnersut uani takuneqarsinnaavoq:
