Greenpeacep Camp Centurymik misissuiniarneq nuannaarutigaa
Danskit ilisimatuut Camp Centurymi atomimik mingutsitsineq misissuiffigiartorniarpaat. Tamannalu avatangiisinik illersuiniaqatigiiffiup Greenpeacep nuannaarutigaa.
Camp Centuryp sanaartorneqarnera
Allattoq Jonas Fievé, DR
februaarip 26-at 2017 14:44
Amerikamiut sakkutooqarfigisimasaat atomimik innaallagissiorfittalik Sermersuup iluani meterinik 40-50-inik itissusilimmiippoq.
Innaallagissiorfiullu qanoq mingutsitsitigisimanera paasiniarlugu geologit aasaru misissuiartussapput.
Ajornartorsiulli aaqqiivigineqanngikkaluartoq, pitsaasumik alloriarnerusoq, Greenpeacemeersoq Jon Burgwald oqarpoq.
- Pitsaaqutaa tassaavoq Danmark tunngaviusumik akisussaaffimmik tigusilluni misissuiartormat. Misissueqqaarnerit soorunami naammanngillat. Qerruteqqasulli aannginnerani akisussaaffik agguaannissaa ajornartorsiullu qanoq aaqqiivigineqarnissaanik pilersaarusiornissaqmatumani pingaarnerupput, Jon Burgwald DR-imut oqarpoq.
AAMMA ATUARUK Camp Centurymi saliinissaq professorip mianersoqqussutigigaa
