Pituffik: Greenland Contractorsip sulisui sulisorineqaannassapput

Suliffeqarfiup Greenland Contractorsip Pituffimmi kiffartuussinissamik isumaqatigiissutip pissarsiareqqinnissaannut neriulluni maanna utaqqivoq. Suliffeqarfiup pisortaa taama oqaluttuarpoq, kiffartuussinissamik isumaqatigiissut suliassat isertitassallu tussunngunangaartumik suliffeqarfimmut Vectrus Service A/S-imut tunniukkamiuk.

Amerikamiut sakkutuuisa mittarfiannut Pituffimmiittumut matuersaatit attartugaannaagallartut, Greenland Contractorsimi pisortap Peter Kofoedip neriuutigaa.

Sakkutooqarfiup ukiuni 46-ni ingerlanneqarnera aserfallatsaalineqarnera kiffartuuneqarneralu isumagereerlugit suliffeqarfik danskinit kalaallinillu pigineqartoq kiffartuussinermut isumaqatigiissut suliassartaalu, suliffeqarfimmut amerikamiut pigisaannut Vectrus Services A/S-imut sapaatip akunnerata naanerani tunniuppaa.

- Suliffeqarfimmut Greenland Contractorsimut ulloq soorunami  tussunngunartuuvoq Peter Kofoed oqarpoq.

Isumaqanngilarli suliffeqarfik Greenland Contractors matusoq unillunilu. Sulilffeqarfik maanna aallarteqqissinnaanissaminut utaqqimaassaaq.

- Utaqqimaaqqaartariaqassaagut. Suliariumannittuussarsiuussisarnermi inatsisit qulakkeerlugit paasineqarnissaat suli ilisimannginnatsigu aamma nutaamik suliariumannittuussarsiortoqassanersoq.

AAMMA ATUARUK Pituffimmi radari nutarsarneqartoq

Ilaatigut nutaamik suliariumannittussarsiuussinissaq aamma suliariumannittuussarsiuussisarnermi inatsisit nutaat suliffeqarfiup ingerlaannarnnissaanut aalajangiisuugamik Peter Kofoed oqarpoq.

- Soraarninngorsimasut allatulluunniit suliunnaarsimasut, suliunnaarsimasullu ikittuinnaapput eqqarsaatigissanngikkaanni taava amerlanerit Vectrusimi maanna atorfeqartuupput, Peter Kofoed oqarpoq.

Pituffimmi kiffartuussinissamik isumaqatigiissut sivisunerpaamik ukiuni arfineq marlunni atuuttarpoq.

AAMMA ATUARUK Amerikamiut umiarsuaat Pituffimmut assartuussisussatut inatsimmi salliutinneqartut

Kisianni tassa amerikamiut sakkutuuisa timmisartortartui kiffartuussinissamik isumaqatigiissutip ataannarnissaa pillugu ukiut tamaasa aalajangertarput, taamaattumillu ukioq ataaseq qaanngiuppat nutaamik suliariumannittussarsiorsinnaapput.

Greenland Contractorsimi sulisut Pituffimmi sulinertik ingerlatiinnassaavaat.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!