Inuussutissarsiutit

Great Greenland Nuuk Couturelu Nuummi pisiniarfimmik ammaalersut

Nunatsinni ilusilersuinermik suliffeqarfiit siuarsimanerpaat ilaat marluk Nuup illoqarfiata qiterpasissuani peqatigiillutik pisiniarfimmik ullumi ammaassapput.

Allattoq Karsten Sommer

novembarip 27-at 2015 05:12

Nutserisoq Simon Uldum -

Ammerivik Great Greenland atisanillu ilusilersuisarfik Nuuk Couture Brugsenip akiani Hotel Hans Egedep illorsuani "Spil og Vind"-iusimasumi pisiniarfimmik ammaassapput.

AAMMA ATUARUK Kalaallit atisaliortartut nunanut allanut nittarsaassilluartut

Taamatut suleqatigiissuteqarnermi nioqqutissiat nunatsinneersut qitiutinneqarput, kalaallisuut isumassarsiorfigalugit puisit amiinik nutaaliorluni ilusilersukkat nioqqutigineqassallutik, suliffeqarfiit taama allapput.

Suleqatigiilernissamik isumassarsiaq aasaq pinngorpoq, suliffeqarfiit atisanik saqqummersitsinersuarmi "Copenhagen International Fashion Fair"-imi peqatigiillutik nioqqutissiaminnik saqqumiillutik peqataammata.

Aamma atuaruk Nuuk Couture Copenhagen Fashion Weekimut peqataarngaartoq

Pisiniarfik taaguuteqartoq "3900 FUTURE" ualeru nalunaaqutaq pingasunut ammarneqassaaq, Ulla Lyngellu Sermersooq Business Councilimeersup allunaasaq aappalaartoq qiorlugu pisiniarfik pisortatigoortumik ammassavaa.