Grækenlandimi takornarianik ornigarneqarluartartumi inuit tusintilikkaat qimagussortinneqartut
Inuit 2000-nik sinneqartut griikerit qeqertaataani takornarianit ornigarneqarluartartumi Rhodosimit arfininngornermi qimagassortinneqarput.
Qeqertami tassani orpipassuit ulluni tallimani ikuallapput sulilu qaminneqarsinnaanatik
Grækenlandimi sinerissami nakkutilliisut taama nalunaaruteqarput.
Umiarsuit sinerissamik nakkutiliisut angallatillu namminersortunit pigineqartut 30-nik sinneqartut inuppassuit ulorianartorsiorfiunngitsunut assartorpaat.
Qeqertami ikuallannerpaaffiusoq qatserisartunit qaminniarsarineqarpoq. Sakkortuumik anorlernera pissutaalluni ikuallanneq siaruaatilertorpoq.
Qatserisartut Slovakiiameersut Rhodosimi qatserisartunik ikiuukkiartorput.
Grækenlandimi orpippassuaqarfinni sumiiffinni assigiinngitsuni 70-ni ikuallattoqarpoq.
Rhodosimi Grækenlandimilu qeqertani allani orpipassuit annertuumik sapaammi ikuallannissaat Grækenlandimi oqartussaasut aarlerisaarutigaat.
Sumiiffinni taakkunani kiassiut 45-it missiliussagaat silasiortut ilimasaarutigaat
/ritzau/