Naalagaaffeqatigiinni nunat ataatsimoorlutik isumaqatiginniartarnissaat pingaaruteqarpoq
Aalisarnermut Naalakkersuisup Karl Kristian Krusep aamma Savalimmiuni aalisarnermut ministerip Jacob Vestergaardip nunat naalagaaffeqatigiinniitut tamarmik immikkut nunanik assigiinngitsunik isumaqatiginniarsinnaasariaqartut, aalajangiusimallugu oqarput.
Aalisarnermut naalakkersuisut taakkua naalagaaffeqatigiinni naalakkersuisut siulittaasuisa ataatsimiinnissaanni tamassuma oqaluuserineqarnissaa kissaatigaat.
Pineqartoq pillugu ministeriuneq Lars Løkke Rasmussen oqaaseqarusunnani nalunaarpoq.
Aamma atuaruk Tunngaviusumik inatsiseqalernissarput danskit naalakkersuisuisa killilimmik tapersersorpaat
Konservatiivit paasinnipput
Konservatiivit aalisarneq aamma savalimmiut pillugu oqaaseqartartuat, Rasmus Jarlov, politikkerit arlaqartut assigalugit savalimmiut aamma kalaallit nunaata ilungersuuteqarnerat paasisinnaallugu oqarpoq.
Naalagaaffeqatigiinnermut isumaqatigiissutit allanngortillugit aaqqissoqassanngitsoq taanna oqarpoq, taamaattorli naalagaaffeqatigiinni atatsimoorluni politikkeqarnermi Kalaallit Nunaat aamma Savalimmiut pisinnaatitaaffeqarnerusariaqartut, Jarlov oqarpoq.
- Naalagaaffeqatigiinni nunat ataatsimoorlutik isumaqatiginniartarnissaat pingaaruteqarpoq, taamaliunngikkutta sanngiippallaassaagut. Jarlov aviisimi politikenimi apersorneqarluni taama oqarpoq.
René Christensen Dansk Folkepartiit inuussutissat pillugit ataatsimiititalimi siulittaasuugallartoq isumaqataalluni oqarpoq.
Aamma atuaruk Folketingimi Nunarput pillugu oqaaseqartartunngortut taamalu atuuffeqareersut aajuku
