ASSIT Issittumut takornarianik angallassisussat nunatsinni siulliit
Ilinniartut ilinniarnerminnut atatillugu qaammatit arfinilingajaat ingerlaneranni quleriarlutik misilitsipput.
Ilinniartullu aqqanillit taakku ilinniarnerminnut atatillugu illoqarfinni assigiinngitsut tikippaat, ilaatigut Ilulissaniillutik, Qasigiannguaniiillutillu, Oqaatsunullu Qaqortumullu aamma tikillutik.
Misilitsinnerillu aamma assigiinngisitaarsimaqaat, illup "naliginnaasumik" oqaluttariarsorlunilu allalluni misilitsinnerit, asiarlunilu pinngortitami misilitsinnerit.
Asiarnermi takornarnianik angallassinermik pilersaarusiorluakkamik pilerinarsakkamillu suliaqarsinnaanertik ilaatigut takutittassavaat, misilitsinnerlu kingulleq Qaqortumi ippassaq sisamanngornermi pivoq:
- Issittumi takornarnianik angallassisartutut naammasseqqammersunik pikkorissunillu inuiaqatigiinnut iluaqutaasussamik sulisussanik pilersuisinnaanerput nuannaarutigaarput, Kalaallit Nunaanni takornarniartitsinerup ineriartortinneqarnissaanut iluaqutaassallutik, Rie Oldenburg, Campus Kujallermeersoq oqarpoq.