Ritzau Nunanit allanit

Grækenlandimi taasisitsineq EU-mut tunngavoq

Nunani assigiinngitsuni akiitsoqarfigineqartut aningaasanik amerlanerpaanik piumallutik aaqqissuusseqqinnissamik ileqqaaqqusinermillu piumasaqaataat Grækerit sapaatiuppat taasissutigissavaat.

Allattoq Ritzau

juunip 29-at 2015 13:27

Nutserisoq Jaaku Lyberth

EU-kommissionip siulittaasua, Jean-Claude Juncker, isumaqarpoq grækerit sapaatiuppaat taasinissaat tassaassasoq Europamut angerneq naaggaarnerluunniit.

- Naaggaarneq tassaassaaq Grækenlandip Europamut naaggaarnera. Grækenlandimi ilumoortumik oqalunneqassasoq, Jean-Claude Juncker Bruxellesimi tusagassiortunik katersortitsinermi oqarpoq.

Taassuma grækerit ilungersorluni qinnuigai sapaatiuppat taasititsisoqarpat angeqqullugit.

Aamma atuaruk Grækenlandimi aningaaseriviit matupput

EU-Kommissionip siulittaasua akiitsoqarfigineqartut Grækenlandillu akornanni isumaqatigiisitsiniartuusimavoq. Tusagassiortunik katersuutsitsinermi aamma narrutsassimalluni grækerit ministeriunerat inuttut Alexis Tsipas saassuppaa.

- Demokrati ataaseq 18-inut allanut akerliutissallugu grækerit naalagaaffiannut angisuumut ataqqinninnerunngilaq, kommissionip siulittaasua oqarpoq.

- Grækenland Europaavoq. Europa Grækenlandiuvoq, Juncker oqarpoq nangillunilu, "toqu ersigigaanni imminut toquttoqassanngitsoq".