GM-qataasut annersaasut
Arsaattartut pingasut Ilulissat avataaneersut pasineqarput Ilulissani nangikkiarluni erngunerit ilaanni unataasimasutut.
- Arsaattartut pingasut pasineqarput inunnik marlunnik unataasimasutut. Unatarneqartup aappaa qaamigut napparsimmavimmi mersorneqartariaqarsimavoq, Ilulissani politeeqarfimmi ulluinnarni aqutsisoq Karl Vinther oqarpoq.
Annersaaneq nangikkiarnerit ilaanni pisimaavoq, politiilli suli tigusarinnissimanngillat.
- Nalunngilarput pasineqartut pingasut illoqarfinnit allaneersuusut. Kinaanerat nalunngilarput tigusarissaqqaarpagullu, Karl Vinther oqarpoq.
Arsaannermi GM arfininngormat naammassimmat Ilulissani ernguttoqangaatsiarsimavoq. Naak aalakoortut amerlagaluartut erngunnerit amerlanerpaartaat nuannaarfiusut, politiit nalunaarutigaat.