GM-ertussat aatsaat taama amerlatigaat

Iligiit 30-it angutit illup iluani arsaallutik pissartanngorniunnissaanni peqataassapput. Nalunaartut tamaasa takukkit.

Allattoq Noah Mølgaard

februaarip 20-at 2012 12:29

Arnat angutillu illup iluani arsaallutik pissartanngorniunnissaanni peqataasut iligiit amerlanerpaamik 16-iunissaat aalajangiunneqarnikkuugaluarpoq. Peqataaniartulli ilimagisamit amerlanerujussuupput. Angutini peqataaniarlutik nalunaartut iligiit 30-upput arnanilu iligiit 20-ullutik.

- GBU-mi siulersuisut unammersuarnermilu ataatsimiititaliaq aalajangerput nalunaartut tamaasa peqataatinniarlugit, GBU-mi siulittaasup tullia John Thorsen oqarpoq.

Nalunaartut tamaasa peqataatinnissaat GBU-mit tunuarsimaarfigineqarsimagaluarpoq inissaqartitsiniarneq pissutigalugu.

- Maannali tassa tamaasa peqataatinniarlugit aalajangerpugut, tassanili piumasaraarput sapinngisamik namminneq inissarsiortassasut, John Thorsen oqarpoq.

Nuup ilinniartoqarfittut inissisimanera matumani aamma malunniussimavoq. Avataaniit peqataaniartut arlallit nalunaarsimapput arsartussatik arlallit Nuummi najugaqareersut. Klubbit aamma arlariit ineqatigiittarnissartit naammagiinnartariaqassavaat.

Unamminissat qanoq tulleriinnilersorneqassanersut arnani angutinilu suli aalajangerneqanngilaq. Kisianni puljekkaartariaqassapput tamatuma kingorna krydskampit ingerlanneqareerpata finalertoqassalluni. Unamminerit tamarmik tallimanngorneq marsip 23-ianiit sapaat marsip 25-iata tungaanut ingerlanneqassapput.

Aajuku angutini nalunaartut:

Upernavik
Kingmek 45
UB-83

Uummannaq
FC Malamuk
UB-68

Ilulissat
N-48
I-69

Qasigiannguit
Kugssak 45

Aasiaat
T-41

Kangaatsiaq
Ippernaq 53

Qeqertarsuaq
G-44
Disko 76

Sisimiut
FC Sisimiut
SAK

Maniitsoq
Kaassassuk
KT- 85 hold 1
KT 85 Hold 2

Nuuk
B-67 hold 1
B-67 Hold 2
B-67 Hold 3
NÛK Hold 1
NÛK Hold 2
FC Tuttu
IT-79 hold 1
IT-79 Hold 2
GSS

Narsaq
N-85
FC Blue Narsarsuaq