Timersorneq

Nunatsinni assammik arsallaqqinnerpaat Nuummi sungiusarput

Angutit assammik arsarlutik nunanut allanut unammisartut Nunatsinneersut Nuummi ulluni makkunani katersuupput sungiusarlutillu, sungiusaasortik Niels Møller peqatigalugu sungiusaramik. Unammisartut qaammatit marluk matuma siornatigut aamma katersuupput sungiusaqatigiillutillu.

Håndboldlandsholdet, som det så ud november 2014.

Allattoq Karsten Sommer, Mads Lynge

januaarip 30-at 2015 15:55

Assammik arsartartut nunatsinni klubbineersut saniatigut Danmarkimi arsartartut Minik Dahl Høegh, Akutaaneq Kreutzmann kiisalu Michael Aqqalu Ingemann, Fynimi GOG-mi assammik arsartartut Nuummi katersuunnermi peqataapput.

Aamma atuaruk Kalaallit PanAmimi normu 5-inngorput

- Arsartartut nunatsinneersut Danmarkimi arsartartunut naleqqiullugit qanoq inissisimanersut paasissallugu pissanganarpoq, Assammik Arsartartut Kalaallit Nunaanni Kattuffiat tusagassiuutinut nalunaarummi ilaatigut allaaserisaqarpoq.

Nunanut allanut unammisartut Danmarkip nunanut allanut unammisartuinut U21-nut juunimi unamminissamut peqataasussatut piukkunneqartut Nuummi katersuunnermi ilaatigut toqqarneqassapput.

Assammik arsartartut kikkut Amerikap nunavittaani assammik arsarluni unammersuarnernut, nunarsuarmi pissartanngorniunnissamut anngunniuffiusunut, peqataasussatut piukkunneqarnersut maanna katersuunnermi Nunatsinnilu apriilimi pissartanngorniunnerni paasinarsiumaarpoq, Panamerikami pissartanngorniunnernut oktobarimi pisussanut peqataasussat toqqarneqarumaarlutik.

Toqqagaasut ukuupput:

1. Isak Olsen GSS
12.Patrick Frederiksen GSS
16. Lars Kjølbye K-33
3. Lars Ole Lyberth GSS
4. Miilu Rosing GSS
5. Inuk Olsen GSS
6. Karl Frederik Frederiksen GSS
7. Nuka Heilmann GSS
8. Danny Brandt GSS
9. Eqalunnguaq Kristiansen GSS
10. Minik Dahl Høgh GOG
11. Akutaaneq Kreutzmann GOG
13. Gustav Ostermann Egede NUK
14. Ingo Hansen NUK
15. Inuk Ostermann Sørensen NUK
17. Ludvig Svendsen NUK
18. Mikkel Ostermann Norsaq
19. Nukannguaq Salomonsen SAK
20. Aqqalu Ingemann GOG
21. Andreas Lorentsen GSS
22. Lukas Aqqa Myliin Lings SAK