GIF Royal Unibrewilu nutaamik isumaqatigiissuteqarput
Imeruersaasiorfiup ilaatigut Faxe Kondi aamma Aqua Coral Imeq tuniniartarpai, Faxe Kondi puljetullu taaneqartartumut aningaasaliissutini 50 procentimik qaffannialerlugit.
Aningaasaliinissamik isumaqatigiissutip nutaap nammineq piumassutsiminnik sulisut timi atorlugu sammisassaqartitsinernut sungiusarnernullu pitsaanerusunut nukitik atorsinnaalissagaat, illuatungeriit tusagassiuutinut allakkaminni nalunaarput.
Isumaqatigiissut aqqutigalugu GIF-imut ilaasortat tamarmik ukiumut pingasoriarlutik tapiissutinik qinnuteqarnissamut periarfissaqalissapput.
Assersuutigalugu Nunatsinni timersoqatigiiffinnut akisusinnaasartunut timersuutinut nutaanut atugassaminnik aningaaanik qinnuteqarsinnaalissasut, Nunatsinni timersoqatigiit kattuffiat aamma Royal Unibrew nalunaarput.
Faxe Kondi aamma Nunatsinni timersoqatigiit Katuffiat ukiorpanngortuni suleqatigiissimapput, ukiut kingulliit 40-it sinnerlugit atuussimasumik GIF-ip siulittaasua Carsten Olsen KNR-imut unnersiorpoq.
Taanna ilanngullugu oqarpoq aningaasaliissut ULO-mik taaneqartartoq tassaasoq aningaasaleeriaatsinit sisamaasunit appasinnerpaaq. Aningaasaliissutit ULO-mik taaneqartartut ukiumut 200.000 aamma 399.000 koruunit akornanniittartut oqarluni.
Timersoqatigiit Kattuffiata anguniagaa, tassalu 2019-imi 19.000-inik ilaasortaqalernissaq Royal Unibrewip tapersersorpaa.
Carsten Olsen naapertorlugu GIF-ip ilaasortai allattorsimasut maanna 14.000-iupput.
