GHF Pan Am-imut peqataatitsinissamik neriuuteqartoq

Nunatsinni assammik arsaattartut kattuffiata, GHF-ip, aningaasaliisussamit tusagaqarnissani utaqqiinnarpaa. Iluatsissappat nunanut allanut unammisartut arnartaat Amerikap nunavittaani assammik arsarluni pissartanngorniunnernut, Pan Am-imut Argentinami pisussamut, peqataasinnaassapput.

Nunatta assammik arsaalluni unammisartui Puerto Ricomi Pan Am-imut anngunniuunnermi Norcami angusarissaanngillat, Pan Am-imullu anngutinngitsoorlutik.

Taamaakkaluartoq Nunarput Pan Am-imi peqataatitaqarnissaminut periarfissinneqarpoq.

Canadap peqataaniarani nalunaarnerani tamanna pivoq. 

Nunanut allanut unammisartut unammiarnissaminnut aningaasaliisussaqassanersut maanna apeqqutaaginnalerpoq.

Elite Sport Greenland, ESG, aningaasanik tapiiniarluni nalunaareernikuuvoq.

- Norcamut peqataanissaannut aningaasaliinikuuvugut. Pan Am-imullu anngutissappata aamma aningaasaliiniarluta nalunaarnikuulluta. Anngutinngikkaluarlutik ingerlaqqimmata tapiissuteqassaagut, ESG-mi siulittaasoq Malik Hegelund Olsen KNR-imut oqarpoq. 

Kristian Heilmannip, GHF-imi siulersuisuni ilaasortap, nunanut allanut unammisartut Argentinalarnissaat neriuutigaa.

- Aningaasaliisartumit akissutisinissarput utaqqiinnarparput, Heilmann, aningaasaliisartoq taanngikkaluarlugu, KNR-imut oqarpoq. 

- Neriuppugut arnartagut unammiartissinnaassallugit, Kristian Heilmann oqarpoq.

GHF aningaasaliisussarsissappat nunanut allanut unammisartut arnartaat Pan Am-imi, Torontomi Argentinami juulimi pisussami, peqataassapput.

Aaqqiissut: Pan Am Canadami aasamut ingerlanneqartussaasoq siusinnerusukkut allakkaluarparput. Tamannali ilumunngilaq. Unamminerit Argentinami ingerlanneqartussanngorput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!