Assi: Arktisk Kommando

Nuugaatsiaq: GEUS-ip kalerrisaareriaaseq periarfissaasinnaaneraraa

Danmarkimi Kalaallit Nunaannilu ujarassiuutut misissuiffik GEUS isumaqarpoq Karrat Kangerluani innuttaasut kalerrisaarutissaannik ivertitsiniarluni eqqarsaat piviusorsiortoq.

Allaaserisaq nutarterneqarpoq nal. 19.45: Allaaserisami allaqqagaluarpoq Stefan Bernsteinip aaqqiissutissamik nassaartoqarsinnaanera qularinngikkaa. Stefan Bernsteinilli KNR-imut marlunngornermi unnukkut erseqqissaatigaa nunani allani teknikkikkut aaqqiissutaasimasut Nunatsinni atorneqarsinnaanissaat nalunartoq, Nunatsinni aqqutilersuuteqarnikkut, silap pissusiatigut sillimaniarnikkullu atugassarititaasut allaanerummata, aamma nunap ilaani pineqartumi. 

Stefan Bernsteinip aamma erseqqissaatigaa qaqqanik nakkutilliineq kalerrisaarinermullu aaqqissuussinerit GEUS-ip ilisimatusarnermik suliaqartuusip suliaata avataaniittut.

Suliamut tunngasunik GEUSimi Namminersorlutik Oqartussat sullillugit maanna nalilersueruttulerput, Karrammi Kangerluani qaqqap sivingarnga kanngaqqajaavoq tassaarsuartoqaqqissinnaaneranillu ulorianartorsiortitsilluni.

GEUS-imi statsgeologi naapertorlugu norgimiut immikkut ilisimasallit qaqqap sivingarnga kanngaqqajaasoq sisooqqajaasutut nalilersimavaat, immikkulli ilisimasallit oqaatigisinnaanngilaat qaqugu tamanna pisinnaanersoq.

Taama pisoqassappat innuttaasunut kalerrisaarutaasinnaasumik ivertitsisinnaaneq maannakkut misissorneqarpoq.

- Tamakku pillugit Norgemiunerusoq paasisimanninneq annertuvoq, tamaanimi kalerrisaarutinik inissitsiortortoqarsimavoq. Assigiinngitsunik aaqqiisoqartarsimavoq, naatsorsuutigaaralu silap qanoq innera apeqqutaatinnagu atorsinnaasumik aaqqiissutaasinnaasumik pitsaasumik nassaartoqarsinnaasoq Stefan Bernstein oqarpoq nangillunilu:

- Imaappoq arlaatigut sisoortoqassagaluarpat tamanna kalerrisaarutaasinnaavoq - immaqa aamma sisoortoqarnissaa ullunik arlalinnik imaluunniit sivikinnerusumik sioqqullugu. Sisoornerit ullut arlallit ingerlaneranni imaanut nakkannginnerminni ingerlaarsinnaasartut - tamannalu Kalaallit Nunaanni ilisimaneqartoq Stefan Bernstein oqarpoq.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!