Politikki Inuussutissarsiutit

GE-p SIK-llu isornartorsiuinerat Enoksenip akissuteqarfigigaa

Aalisarnermut naalakkersuisup Hans Enoksenip avataasiortunut aalisagartassiissutinik ilanngartuineranut Sulisitsisut Peqatigiiffiata GE-p SIK-llu isornartorsiuinerannut Hans Enoksen maanna akerliliivoq.

Allattoq Inge S. Rasmussen

marsip 30-at 2017 06:55

Nutserisoq Mads Lynge

Avataasiortunut aalisagartassiissutit 10 procentinik ikilisinneqarnissaannut aalajangiineq kilisaassuarnut taakkunanilu inuttanut, GE SIK-lu naapertorlugit eqquissaaq.

Hans Enoksenili akerlianik isumaqarpoq, taama aalajangiineq aalisartunut inuusuttunut sinerissallu qanittuani aalisartunut iluaqutaassasoq. Kilisaataatileqatigiillu aalisagartassiissutit tamakkerlugit aalisarneq ajoraat misilittakkat takutikkaat, Hans Enoksenip aamma oqaatigaa.

AAMMA ATUARUK Enoksenip pisassiissutinik ilanngartuinera GE-p SIK-llu isorigaat

- Kilisaataatillit pisassatik tamaasa aalisarsinnaanngippatigik, taava taakku inuiaqatigiinnut utertittariaqarpaat, aalisartunullu pisassinneqarsimanngitsunut pisassiissutigineqartariqarlutik, Hans Enoksen oqarpoq.

Avataasiortunut qaleralinnut, saarullinnut suluppaakkanullu aalisagartassiissutit 10 procentinik ikilisinneqarnissaat, aalisaleqqaartunullu aalisagartassiissuteqanngitsunut tunniunneqarnissaat, Naalakkersuisut ukioq manna februaarip ulluisa qulinganni aalajangerpaat.

GE-p SIK-llu isornartorsiuinerat Enoksenip akissuteqarfigigaa

Aamma atuaruk