Assi: KNR

GBU-mi siulittaasoq soraarsitsisoqareersoq tunuarpoq

Kalaallit Nunaanni Arsaattartut Kattuffianni siulersuisut nunanut allanut sungiusaasoq, Tekle Ghebrelul soraarsippaat. Tamannalu pillugu Kalaallit Nunaanni Arsaattartut Kattuffianni siulittaasoq, John Thorsen siulittaasutut tunuarpoq.

Siulittaasup tunuartup oqarnera naapertorlugu, nunanut allanut sungiusaasup soraarsinneqarneranut aalajangerneq,  tusatsiakkat uppernarsaatitaqanngitsut aallaavigalugit soraarsitsisoqarpoq.

Taamatut aalajangerneq Kalaallit Arsaattartut Kattuffiani siulittaasutut peqataaffigisinnaanngilara, John Thorsen allappoq.

AAMMA ATUARUK Timersornermi ataqqeqatigiinneq GBU-p iliuuseqarfiginiarpaa

Nunanut allanut unammisartunut sungiusaasoq, Tek Ghebrelul Maniitsumi futsalimik GM-ertoqarnerani pisoq pillugu GBU-mit mianersoqqussummik tunineqarnikuuvoq. Sungiusaasoq ammip qalipaataa pillugu immikkoortinneqarami ilaatigut meeraq suangaffigisimavaa oqataqarsimallunilu.

John Thorsenilu naapertorlugu Teklep soraarsinneqarnera sapaatip akunnerata siuliani unamminermi pisumik peqquteqarpoq, tassani isikkammik arsartartunut dommerip facebookimi quppernermini allappaa Tekle Ghebrelulip B-67-ip Kagssagssummut unamminerata nalaani qilerlini Kagssagssummiut tungaannut qullarsimagaa.

AAMMA ATUARUK Ammip qalipaataanik immikkoortitsineq akiorneqarli

Tekle Ghebrelululip tamanna ilisarinngilaa taamaammat oqaatsinik assortuuttoqarpoq. Tamatuma kingornatigut GBU-mi siulersuisut dommerip nassuiaataa akueraat tamannalu nunanut allanut unammisartunut sungiusaasumik soraarsitsinermut tunngavittut  atorlugu.

Taamalu aalajangiineq John Thorsenip peqataaffigisinnaannginnerarpaa.

AAMMA ATUARUK Aallarnissannut piareeraluarpunga

- Isumaqarpunga kalaallit isikkamik arsaannerisa iluani kikkut tamarmik inissaqartinneqassasut, timersuutilli ineriartortinneqarnissaanut, tusatsiakkat Facebookimiluunniit iliuutsit aallaviginangit, nukittuumik aaqqissuussaanikkut inissisimasariaqarluta. Tamanna tunngavingalugu Kalaallit Nunaani Arsaattartut Kattuffianit aliasuutigeqisannik tunuarpunga, John Thorsen tusagassiuutinut nalunaarummi nutaami allappoq

AAMMA ATUARUK Arsaattartoq ammip qalipaataanik assigiinngisitsisoq

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!