Gazami piaarnerpaamik sakkuaakkunnaarallartoqarnissaa FN-ip Isumannaallisaaniaqatigiivisa piumasarigaat
Gazami piaarnerpaamik sakkuaakkunnaarallartoqassasoq, sallunaveeqqutitullu tigummiat iperarneqassasut, Naalagaaffiit Peqatigiit Isumannaallisaaniaqatigiivisa piumasaraat.
USA aalajangersakkamut taaseqataanngilaq, nunallu Isumannaallisaaniaqatigiinni ilaasortat sinneri 14-it aalajangersakkamik akuersillutik.
Nutaarsiassaqartitsivik Ritzau taama allaaserisaqarpoq.
Israelip Palæstiinamiullu Hamasimeersut akornanni sakkuaakkunnaarallartoqarnissaanik piumasaqaateqarnissaq Naalagaaffiit Peqatigiit Isumannaallisaaniaqatigiivini aatsaat isumaqatigiissutigineqarpoq.
Muslimit Ramadanimi iisinnginniarnerisa nalaanni piaarnerpaamik sakkuaakkunnaarallartoqarnissaa piumasaqaataavoq, siunissaq ungasinnerusoq isigalugu ataavartumik sakkuaakkunnaarallartoqarnissaa anguniagaalluni.
Aalajangersakkap akuersissutigineqarneratigut naalagaaffiit innuttaminnut pisussaaffitik eqquutsittariaqassavaat, illuatungeriit aaqqiagiinngissuteqarnerisa aaqqiivigineqarnissaanut sukataartoqartariaqassalluni.
