GA: Kim Saralu maanna maligassiuisussanngorput
GA allappoq, Inatsisartunut ilaasortat nutaat Naalakkersuisunngorumaartullu suliassaat imaannaanngitsuusut soorlu aningaasarliornerup ilorraap tungaanut saatinneqarnissaanik suliassaq imaannaanngitsuusoq oqaatigalugu.
GA-p pisortaa, Brian Buus Pedersen allappoq, uulisiornernissamik eqqarssaatit aatsitassarsiornermillu isumalluutit kinguaattorneri eqqarsaatigalugit, taakku siammasissumik ingerlatsinermik taarserneqartariaqartut.
- Aatsaat taamaaliornikkut inuiaqatigiit Kalaallit atugarissaarnikkut pitsaasumik ineriartortinneqarnissaat qulakkeerneqassaaq, Brian Buus Pedersen allappoq.
AAMMA ATUARUK Kim Kielsen kimigiiserfigineqartoq
Kalaallit Nunaata aningaasaqarnera mianernartorujussuusoq, Brian Buus Pedersen aamma allappoq oqarlunilu inuiaqatigiit ilungersunartorsiortut.
Taassuma aalisarnerup siammasissumik tunngaveqarluartumillu aaqqissuussaaqqinnissaa kaammattuutigaa, oqarlunilu taamaaliornikkut inuussutissarsiutit tamatumunnga attuumassuteqartut pisariaqarluinnartunik aningaasalersorneqarnissaat orniginarsarneqartussaammata tamanna qulakkeerneqartariaqartoq.
- Inuussutissarsiornermik ingerlatallit naalakkersuinikkut suliniuteqartoqarnissaa suliffiillu amerlanerit pilersinniarlugit aaqqissuusseqqinnissaq suliffeqarfiit atorfissaqartippaat, Brian Buus Pedersen allappoq imalu nangilluni.
Ilinniartitaanikkut suliassaq annertuupilussuaq
- Aamma puigorneqassanngilaq ilinniartitaaneq eqqarsaatigalugu suliassaq annertuupilussuusoq. Taamaaliornikkut sanaartorneq illuliortitsinerlu uummarissarneqassapput tamassumalu kingunerissavaa, Sanaartugassanut Iluarsagassanullu Aningaasaateqarfimmit aningaasalersukkanik nutaanik suliaqartitsinikkut suliffissat perilersinneqarsinnaaneri, Brian Buus Pedersen allaappoq.
Naggataatigullu oqaatigalugu, inuussutissarsiuteqartut Nuna tamakkerlugu siuariartortoqarnissaanik tunniussassaqartut taamaaliorusuttullu. Taamaattoqassappalli naalakkersuinermik ingerlataqartut suleqatigiissinnaasut pisariaqavissunillu aaqqissuusseqqissinnaasut pisariaqartinneqartut, Kalaallit Nunanni Sulisitsisut peqatigiiffianni pisortaq, Brian Buus Pedersen allappoq.
