GA: Isumaqatigiissut akisuallaassaaq

- Aalisakkanik ullumikkut tunisassiornermi aningaasarneq tunisassiallu nalinikkiartortarnerat qanoq ittuunersut ilisimaleqqaarnagit taamannak oqalunnissaq silatusaarnerunngilaq.

- Tunisassiat Nunatsinni suliarisarnissaannik aalajangernissaq iluaqutaanavianngilaq, tamatuma isertitakinneruneq kingunerissappagu, Brian Buus Pedersen oqarpoq.

- Isumaqatigiissut isumatusaarnertaqartoq isumaqarpugut. Aammali suliniutit ilaat akisoorujuusussatut takusinnaavarput, GA-mi pisortaq Brian Buus Pedersen oqarpoq.

Aamma atuaruk KNAPK-p Naalakkersuisussat isumalluarfigigai

Anguniakkat Isumaqatigiissummiittorpassuit aningaasalersornissannut siunnersuuteqanngippat, Naalakkersuisooqatigiit atuunneranni aningaasaqarniarnikkut ajornartorsiulissasugut taanna isumaqarpoq. 

Arlalinnilli isumatuusaarnertaqartoq GA-p oqaatigaa. Soorlu ilinniartitaanikkut suliffeqarnikkullu suliniutit nukittorsarneqarnissai, ilaatigut aatsitassarsiornermi.

- Aamma uagut qineqqusaarnerup nalaani oqaatigiuakkatsinnut naapertuuppoq. Nutaanik isertitaqalernissaq pingaarpoq, inuussutissarsiornermi isertitaqarneruleriartungikkutta taava pitsaasorpassuit pisortat uagutsinnut tunniukkumasaat akilersinnaanngilagut, Brian Buus Pedersen oqarpoq. 

Aamma atuaruk Aalisarnerup aaqqissuussaanera allannguuteqassasoq

Isumaqatigiissummili aalisakkanik tunisassiornikkut nalitusaanissaq siunnersuutigineqartoq GA-p isumaqatiginngilaa.

- Aalisakkaniit ullumikkut tunisassiornermi aningaasarneq tunisassiallu nalinikkiartortarnerat qanoq ittuunersut ilisimaleqqaarnagit taamannak oqalunnissaq silatusaarnerunngilaq. Tunisassiat Nunatsinni suliarisarnissaannik aalajangernissaq iluaqutaanavianngilaq, tamatuma isertitakinneruneq kingunerissappagu, Brian Buus Pedersen oqarpoq.