Future Greenlandimi oqalugiartussat piareertut

Sulisitsisut Peqatigiiffiat GE, Future Greenland 2017-imik taallugu sapaatip-akunneri pingasut qaangiuppata ataatsimeersuartitsissaaq.

GE taamaasilluni inuussutissarsiutit pillugit tallimassaa ataatsimeersuartitsissaaq. Future Greenland tassaavoq inuussutissarsiortut politikerillu assigiinngitsut naapeqatigiittarfiat, Kalaallit Nunaanni inuussutissarsiutitigut siunissami suliniutissat pillugit ataatsimeersuarnermi eqqartorneqartarlutik.

Danmarkip EU-mi kommissæriutitaa Margrethe Vestager Future Greenland 2017-imi oqalugiartussanut ilaasut ilaavoq, inuussutissarsiutitigut suliniutissat politikkimut qanoq ilanngunneqarsinnaanersut taassuma oqaluuserissavaa.

Margrethe Vestagerip saniatigut oqalugiartussanut ilaasut tassaapput Aningasaqarnermut Siunnersuisoqatigiit siulittaasuat Torben M. Andersen, Dansk Byggerimi pisortaaneq Lars Storr-Hansen, PensionDanmarkimi pisortaaneq Torben Möger Pedersen, Københavnip Universitetiani professori Minik Rosing, Naalakkersuisunilu siulittaasuusimasoq Kuupik Kleist, naalakkersuisunullu maanna siulittaasoq Kim Kielsen.

Future Greenland 2017 Nuummi maajip ulluisa qulingiluaanni ammarneqassaaq aqaguanilu maajip ulluisa qulinganni naammassineqassalluni. Inuit 450-it missaat Nunatsinneersut, Islandimeersut, Canadameersut Danmarkimeersullu ataatsimeersuarnermi peqataassapput, saqqummiussissallutik workshopertitsinernilu aamma peqataassallutik.

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!