VIDEO Futsalimi kuultinnattut nuannattut takukkit

Futsalimi kalaallit nukappiaqqat Team Alaskamut 2-1 mik ajugaagamik takutitsilluarput.

Unammineq 1 minutsiinnaq ingerlareersoq Lucas Sørensen isertitsivoq, taamaalilluni nunaqqatigut unamminerminni aallartilluarlutik.

Futsalertut muminngitsiartut amerikkamiut isertitsimmata 1-1-erlutik naligiilerput.

Aputsiaq Nathansen minutsialunnguit qaangiummata isertitsivoq, isertitsisereermat isiginnaartut  Nuup Timersortarfissuani nuannatilerput.

Naggammik siggartoqareermat nukappiaqqat pikkorissut isiginnaartunit nuanaartunit persuarsiutigineqarput .

Unammeqataasut tassaapput: Rene Abelsen-Petersen, Lucas Sørensen, Bastian Rosing, Aputsiaq Nathansen, Lars Markussen, Nikki Petersen, Malik Mølgaard Lennert, Bror Geisler og Marco Geisler.

Isummersuutit