VIDEO Fort McMurrayp 90 procentia ajunngilaq
Illoqarfiup Fort McMurrayip 90 procentia ajunngilaq, naak illoqarfiup eqqaani orpippassuit annertuumik ikuallakkaluartut, taamma oqarpoq, Albertami oqartussaasut qullersaat Rachel Notley Illoqarfik Fort McMurray Canadami naalagaaffimmi Albertamiippoq.
- Innuttaasut isumannaatsumut inissikkatsigit tupinnartuliaavoq, Rachel Notley tusagassiortunut katersortitsinermi taama oqarpoq.
- Sukkasumik qisuariartoqarnera annaassiniartartullu sulerulunnerat pissutigerpiarlugu illoqarfiup Fort McMurrayip 90 procentia ajunngilaq.
Fort McMurrayimi qatserisartut oqarput, innutaasut titusintit qimarngutsinneqartut, sapaatit akunnerilu arlaqartut qaanngiuppata aatsaat angerlaqqissinnaasut.
Rachel Notley tusagassiortunut oqaaseqarpoq, annertoorujussuarmik ikuallattoqarnerata kingorna ajoqusernerit pisortanit misissuiffigineqarnereermata innutaasullu 100.000-it missaannik amerlatigisut angerlarsimaffimminnit qimagussuuttariaqarsimanerisa kingorna.
Pisortat suliassaat suli annertupput, imermik innaallagissamik gasimillu pilersuinerit arlarteqqinneqarnissaannut, qatserisartut pisortaat Darby Allen oqarpoq.
Ikuallanneq illoqarfiup qeqqannut anngussimagaluarpat suna taamaat annaasimassagaluarparput, Darby Allen oqarpoq.
Orpippassuit ikuallarujussuarnerisigut illoqarfimmi illut sanaartukallu 200-it missaanniittut aseruatiterput. taamaattorli
atuarfiit illoqarfiullu napparsimavia ajunngillat.
Ullut ikittuinnaat qaangiupput illoqarfiup avataa tamarmi ikuallarujussuarmat, qujanartumilli illoqarfiup annertunersaa eqqorneqanngilaq.
Nutaarsiassat nuanneraluaqisut, illoqarfiup kangisinnerusortaani ikuallanneq annertuvoq. orpipassuit 200.000 hektaritut annertutigisoq ikuallappoq.
Ikuallanerit qaminniarlugit qatserisartut 700-it qatseripput. taakkua saniatigut qulimiguullit 20-it timmisartullu ikuallattunik qamiterisartut 27-it atorneqarput.
