VIDEO Folketingimut qinigassanngortittut sulissutigerusutaat assigiinngitsut
Partiit ippassaq KNR-ikkut oqallipput.
Partiini peqataapput Partii Naleqqameersoq Per Rosing Petersen, Demokraatineersoq Aputsiaq Olsen Jonathansen, Siumumeersoq Jens-Erik Kirkegaard, Inuit Ataqatigiinneersoq Johan Lund Olsen, Atassummeersorlu Steen Lynge.
Taakku ataasiakkaarlugit aperineqarput Folketingimut iserunik suliassaq siullertut suna suliariniarneraat, tamarmillu assigiingitsunik suliassaminnik taakkartuipput.
Danmarkip ataatsimoortumik tapiissutai akitsuutinngortinnissaat Partii Naleqqap siullertut suliarerusuppaa. Demokraatit avammut niuernerup pitsanngorsarnissaa sulissutigerusuppaat. Siumut nunanut allanut sillimaniarnermilu politikki pillugu nunarput Danmarki peqatigalugu siuttuusassasoq sulissutiginiarpaat, Inuit Ataqatigiit nunanut allanut sillimaniarnermullu politikki pingaarnertut aallutariniarpaat, Atassutillu nunatsinnut suliffissanik pilersitsinissaq siunertaralugu nunatsinnut aningaasaleerusuttut aqqutissiuunniarpaat.
Qineqqusaarluni oqallinneq kalaallisut tamaat una toorlugu takuuk.
