Politikki

Folketingimi ataatsimiititaliaq Nunatsinnut angalalersoq

Folketingip Kalaallit Nunaannut tunngasunut ataatsimiititaliaa aqagumit sapaatit-akunnerat ataaseq Kujataanut Nuummullu angalasussanngorpoq.

Allattoq Helle Nørrelund Sørensen

aggustip 24-at 2016 10:51

Nutserisoq Simon Uldum -

Politikerit paasisassarsiorlutik angalassapput, pingaartumillu Kujataani inuussutissalerinermik, nunalerinermik aatsitassalerinermi suliffissuaqarneq paasisassarsiorfigissavaat.

Ilaatigut Qaqortumi aalisakkerivik Avataq aamma Great Greenlandip allaffeqarfia, Narsamilu inuussutissalerinermik ilinniarfik Inuili alakkarterneqassapput.

Narsami innuttaasunik sapaatiuppat ataatsimiititsisoqassaaq, innuttaasullu folketingimi ilaasortat peqatigalugit naalagaaffeqatigiinneq pillugu oqallinnissamut periarfissaqassapput.

Aamma atuaruk Aleqa nunatsinnut angalaqataaniarunnaartoq

Ataatsimiititaliap angalanera Nuummi naggaserneqassaaq, ilaatigut meeqqat illersuisuat Aviâja Lynge, isumaginninnermut naalakkersuisoq Martha Lund Olsen ataatsimeeqatigineqassallutik Issittumilu Sakkutooqarfik pulaarneqassalluni.

Inuit Ataqatigiit folketingimi ilaasortaatitaata Aaja Chemnitz Larsenip angalaneq siuttuuffigissavaa. Aleqa Hammondip Siumumit ippassaq ilaasortaajunnaarsinneqarnermi kingorna angalaqataaniarunnaarneranik tamanna pissuteqarpoq.

Ataatsimiititaliaq angalanissaminut pilersaarutaa uani atuarneqarsinnaavoq.