Folketingimi ataatsimiinnerup ammarneqarnerani oqallinneq aallartereerpoq
Danmarkimi inatsit tunngaviusoq naapertorlugu ministeriunerup marlunngormat ammaanermi oqalugiaataa Folketingimi oqaluuserineqassaaq. Partiit oqaaseqartartui assigiinngitsut oqalugiaateqassapput folketingimullu ilaasortat ataasiakkaat oqaaseqaateqarnerinik malitseqassalluni.
Folketingimut ilaasortat nunatsinneersut oqalugiaateqarnissaat, partiit angissusaat pissutigalugit, aatsaat Danmarkimi unnulernerani pisussatut naatsorsuutigineqarput.
Siorna ataatsimiinnerup ammarneqarnerani oqallinneq nalunaaquttap akunnerinik 14-inik sivisussuseqarpoq, ulloqeqqasiornerup unnukkorsiornerullu nalaani taamaallaat unillatsiartoqarluni unnuakkut nalunaaqutaq marlunut aatsaat naammassineqarluni.