Folketingi ullumi ammarnersiorneqarpoq - palasilu illluatungilerneqarluni

Inatsisartut ukiaanerani ataatsimiinnissaat kinguartinneqartoq, Folketingi Inatsit tunngaviusoq aallaavigalugu oktobarimi marlunngornerit siullersaanni ammarneqartarpoq.

AAMMA ATUARUK Inatsisartut ukiaanerani ataatsimiinnissaat kinguartinneqartoq

Assersuutigalugu SF-ip ilaasortaatitai Christiansborg Slotskirkemi naalagiarnermi peqataanngillat. Palasip Morten Kvistip suiaqatiminoortartunut isornartorsiuilluni oqaasii Folketingimi ilaasortat ilaannit illuatungilernerput, suiaqatiminoortartummi oqaluffimmi katissinaatitaassanngitsut palasip Morten Kvistip siusinnerusukkut oqaatigisarsimavaa, soorlu aamma meeraqaqqusaanngitsut oqaatigisarsimagaa.

AAMMA ATUARUK Malittarisassat atorluuannarpagut

Morten Kvistip Folketingip ammarnersiorneqarnerani naalagiartitsisuunissaa, kultureqarnermut ministerip Mette Bockip toqqarsimavaa. Palasip oqaasiinut isumaqatiginninnani taassuma oqaatigaa, soorlu aamma upperisarsiorneq politikkilu Danmarkimi akuleriissinneqarneq ajortut oqaatigigaa.

Folketingimi kingusinnerpaamik aappaagu juunimi qinersisoqartussaavoq.