QASSIMIUAARNEQ Kalaallimut nalinginnaasumut oqalliffik akuuffillu
SIK-p aaqqissuussaa, Qassimiuaarneq, ullumi marlunngornermi qulinut aammarpat Kalaallit Nunaata ineriartornissaanik oqaliffik nutaaq aallartisarneqassaaq.
Ukiut 40-t matuma siorna, 1976-imi, aallartittumik politikkikkut oqalliffiusartumik Aasivittarnikuuvugut, piffinnilu nutaanerusuni Future Greenland Arctic Circlelu aamma eqqaaneqarsinnaapput.
Aamma atuaruk Nunatsinni innuttaasut SIK-mit ataatsimeeqatiserineqartut
Maannalu soorlu Bornholmimi innuttaasut ataatsimiinnerat isumassarsivigalugu Qassimiuaarneq aallartisarneqarpoq, ilaasortat peqataanerunernissaat siunertaralugu.
- Ilaasortat angorusuppagut, taavalu inuinnaat allat aamma angorusuppagut oqallinnermi, tassami pisariaqartipparput SIK qanoq isumaqarfigineqarpa ilaasortaninngaannit aammalu ilaasortaanngitsunit, taanna angorusussimavarput, SIK-p siulittaasuata tullia, Kasper Larsen KNR-imut oqarpoq.
Aamma atuaruk SIK-p demokratii nalliuttorsiutiginiaraa
Ersarinnerusumillu nipeqalertariaqarput.
- Kattuffinnut attaveqarnerput aamma ajunngilaq, kisianni ilaasortavut ullumikkorninngaannit pitsaanerusimik, imaluunniit nilliarnerulllutik taanna pinissaat aamma soorunami anguniarparput. Akuunerulernissaat SIK-mut. Soorunami akuugaluarput, kisianni paaserusupparput, qanoq isumaqarpat ilaasortat ilaasortaanngitsullu, Kasper Larsen oqarpoq.
