Naalagaaffiit Peqatigiiit silap pissusia pillugu ataatsimiititaliaa maanna iliuuseqaqqusivoq!

Silap pissusiata allanngoriartorneri sakkortuut Nunarsuatsinni aqqusaarneqartalersut unitsinniarlugit iliuuseqartoqartariaqalerpoq! Naalagaaffiit Peqatigiit silap pissusia pillugu ataatsimiittartoqatigiivi, IPCC Nunarsuarmi silap pissusianik paasisanik nutaanik sukumiinerpaanillu imaqarniliaminnik ullumi saqqummiussereersullu, taama kajumissaaruteqartoq tassaavoq Naalagaaffiit Peqatigiit qullersaat Ban Ki-moon.
Indlandsisen er et af de mange steder, hvor klimaændringerne ses tydeligt. Assi © : Arne Fleischer/KNR
Allattoq Elisa Isaksen
novembarip 02-at 2014 17:39

- Tamanna nunarsuarmiunut aalajangiisuulluinnarpoq. Nunarsuarmi siuttuusut tamatumani siuttuunissaat neriuutigaara, Københavnimi tusagassiortunik katersortitsinermi nalunaarusiap saqqummiunneqarneranut atatillugu, Naalagaaffiit Peqatigiit qullersaat taama oqarpoq.

Nalunaarusiami oqaatigineqartut naapertorlugit, Nunarsuaq siunissami kianneruleraluttuinnassaaq, Nunatta sermersua nunarsuarmilu sermeqarfiit aakkiartuinnassallutik, immat qaffakkiartuinnassallutik, kiarujussuartarneri panernersuillu akulikinnerulissallutik, aamma sialussuarujussuartarnerit qarsutsinerillu amerlanerulissallutik.

Tamakku saniatigut imeq minguitsoq amigaataalissaaq aamma naatinneqartartut qajuusiassat, majsit aamma qaqorteqqasut ineritissinnaasaat annikinnerulissallutik.

Silap pissusia pillugu 2015-imi decembarimi nunat tamalaat Parisimi isumaqatigiissuteqarnissaannut atatillugu nalunaarusiaq nunarsuarmi naalagaaffiit siuttuinit tunngavissatut atugassiaavoq.  

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq