Nunanit allaneersut amerlanerusut avaleraasartoorniarnermut periarfissinneqartut
Nunani allamiut kilisaataataasa avaleraasartoorniarnermi aalisaqatasut 25 procentiunissaannik killissaritinneqartoq, Aalisarnermut naalakkersuisup Karl Kristian Krusep 60 procentinut qaffakkaa Sermitsiap allaaseraa.
Avalaasartoortassissutit 66.000 tonsiusut aalisarneqarneqarnissaat qulakkeerniarlugu naalakkersuisut taamaaliorput. Avaleraasartoortassiissutit tamakkerlugit aalisarneqanngippata, sinerissami naalagaaffiit aappaagu aalisagartassiissutissaat pillugit nunarput isumaqatiginninniarnerni ajornerusumik inissisimalersinnaassaaq.
Avaleraasartoorniarneq maannamut qanoq ingerlasimanersoq pillugu paasissutissat Sermitsiamit pissarsiarineqarsimapput. Paasissutissat qimerlualaaraanni takuneqarsinnaavoq avaleraasartuut 32.000 tonsingajaat ukioq manna pisarineqarsimasut, siorna piffissap taamaalineranut naleqqiullugu 1000 tonsit missaannik amerlanerullutik.
Nunani allamiut kilisaataataasa avaleraasartoorniarnermi aalisaqataasut amerlineqarpata, suliffeqarfiit nunatsinneersut aalisariutaatillit arfineq-pingasut kilisaatinik nunanit allaneersunik maanna peqataatitaqalersinnaassasut, aviisip Sermitsiap allaaseraa.