Finn Karlsen: Tunuartariaqanngilanga
Tamanna partiip siulittaasuata tunuarneranik kinguneqassava? Finn Karlsen ima akivoq:
- Inernerit takoqqaarusuppakka. Taakku apeqqutaapput. Kisianni inatsisartunut qinersisussaavugut, taakku aalajangiisuuneraajusussaammata. Kommuninut qinersinermi lokalpolitikki pineqarnerusarpoq, kommuninullu qinersineq kinguariarnermik kinguneqarnera tunngavigalugu siulittaasutut tunuarniassaguma inatsisartunullu suli qinersisoqanngitsoq, taava tamanna pissusissamisoortutut isiginngilara. Inatsisartunut qinersineq takoqqaartariaqaripput isumaqarpunga, Finn Karlsen oqarpoq.
Finn Karlsen nalunaaqutaq unnuaq marlunngulersoq apersorneqarpoq, kisitsisit tamakkiisut pisortatigoortumik suli saqqummersinneqaanngitsut.