Finn Karlsen: Siumumik naalakkersuisooqateqarneq akeqarpoq

Atassut Siumumik naalakkersuisoqateqarnini inatsisartunut qinersinermi kinguariaatigaa, Atassummi inatsisartuni ilaasortaatitat arfiniliugaluartut pingasut inatsisartunut qinigaammata.

Partiimi malunnaateqarluartut Augusta Sallingip aamma Ellen Christoffersenip qinigassanngortinnginneri Atassutip kinguariarneranut aamma patsisaaqataasinnaasut siulitaasoq Finn Karlsen oqarpoq.

- Inatsisartunut qinersineq unnuaq naammasimmat pakatseqaanga, pakatsivugut! Finn Karlsen oqarpoq, qinersisartullu taamatut aalajangernerat ataqqillugu ingerlariaqqinnisartillu erseqqissaatigalugu. Atassup naalakkersuinikkut suliaat angusaallu qinersisartunut paasitinniarneri amigarsimapput, Finn Karlsen oqarpoq.

Atassutip naalakkersuisooqatigisimasaat Siumut nuannarinagit Atassummut qinersisartut qinersiartunngitsoorsimasinnaanerat Finn Karlsenip eqqoriarpaa, tamaaliornermikkut Atassut pillarlugu.

Atassutip siulersuisuisa Finn Karlsen siulittaasutut tunuarnissaa kissatigissappassuk Finn Karlsen tunuarniarluni unnuaq oqarpoq. Atassutip siulittaasuta tullia Jensine Berthelsen radioaviisimut oqarpoq, Finn Karlsenip siulitaasuuinnarnissaa siulersuisuini kaammattuutigineqartoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!