Filmi kukkusoqarneratigut Oscarinnatsinneqartoq
Filmiliaritittartup ataqqisaasup Warren Beattyp unnummi akissarsiassat kingullersaannik tunniussisuuvoq.
Filmili "La La Land" ukiumi pitsaanersaattut suaarutigaa, tamatumunngalu suna pissutaanersoq suli paasineqanngilaq.
"La La Land"-imik suliarinnittut scenemut qaqitinneqareersut aaqqissuisut nalunaarutigaat akissarsiassaq filmimut "Moonlight" tunniunneqartussaasoq.
Scenemi paatsiveerunneqareersoq aqutsisup Jimmy Kimmelip scenemiittullu allat quiasaartoqannginneranik isiginnaartut paasitippaat.
Tamatuma kingorna filmimik "Moonlight"-imik suliarinnittut scenemut qaqitinneqarput akissarsiassarlu ataqqinaataasoq taakkununnga tunniunneqarluni.
Filmili "La La Land" susaavissunngilaq. Filmi arfinileriarluni akissarsitinneqarpoq, ilaatigut Emma Stone arnat pingaarnertut inuttaasut ukiumi pitsaanersaattut akissarsitinneqarluni.
/ritzau/