FCK-p Champions League-playoffimi Qarabag unammisussanngoraa
FC København Champions Leaguemut anngutissagunik Aserbajdsjanimiut isikkamik arsaattartui Qarabagi ajorsartittariaqarpaat.
Allattoq Ritzau
aggustip 04-at 2017 12:52
Nutserisoq Ane-Marie Petersen
UEFA-p allaffeqarfissuani Schweizimiittumi Nyonimi makitsisoqarmat taakku unammisussanngorput.
Unammineq siulleq augustip ulluisa 15-ianiunngikkuni 16-ani pissaaq, unammeqqinnerlu 22-ani 23-aniluunniit pissalluni.
Danmarkimi isikkamik arsaattartut nunanut allanut unammisartuisa aappaat FC Midtjyllandip Apollon Limassol Cypernimeersoq ukiaru Europa Leaguertoqarnissaanut anngunniunnermi unammissavaat.
Unammineq siulleq Cypernimi augustip 17-ani pissaaq, unamminerullu aappaa Danmarkimi pissalluni.
