Exit poll Qaqortumi: Naalakkersuisooqatigiit qinersisikilliorput
Jonathan Motzfeldtip nunagisaani Qaqortumi Siumut kinguariangaatsiassangatinneqarpoq. Tamanna KNR-ip exit poll-iliaanik nalunaaqutaq arfinernut qinersisut isumaasa takutippaat.
juunip 02-at 2009 19:16
Kisitsisit exit poll-imit pissarsiarineqartut malillugit Siumut 6,4 procentpointimik kinguarsiassangatinneqarput. Aamma Atasssutikkut Qaqortumi kinguariarnnissaat ilimagineqarpoq. Atassutikkut nalunaaqutaq arfernup missaani 7,4 procentpointimik ikinnerusunik taaneqassangatinneqarput qinersinermi 2005-imi taasisut sanilliullugit.
Illuatungaani Inuit Ataqatigiit nuannaarutigisinnaasaminnik Qaqortumi siuariangaatsiassangatinneqarput. Inuit Ataqatigiit partiit kisiartaallutik 25,1 procentpointimik siuariassangatinneqarput.
Demokraatit 11,8 procentpointimik taavalu Kattusseqatigiit Partiiat 1 procentpointimik kinguariassangatinneqarput. Sorlaat Partiiata ilimagisinnaavaat 1,1 procentpointimik taaneqassallutik.
