Assi: Great Greenland

EU puisit amii pillugit paasititsiniaanerusariaqarsorineqartoq

Sapaammi marsip 19-iani danskit kalaallillu politikerii angalaqatigiit paasititsiniaaneq pillugu EU eqqaasinniarlugu Bruxellesiliassapput. EU-kommissionimi puisit amii pillugit paasititsiniaanissamik pisussaaffilerneqarsimavoq. Naggueqatigiit inuit pineqannginnissaannik aalajangiussami puisit amiinik akuerisamik Europamut eqqussisinnaaneq paasititsiniutigineqassammat.

Nunat EU-mut ilaasortaasut ilanngaaserisui taamaallaat maannamut paasititsiniaavigineqarsimapput.

Tamanna naammanngilluinnartoq Folketingimi Kalaallit Nunaat pillugu ataatsimiititaliami siulittaasup tullia Aaja Chemnitz Larsen, Inuit Ataqatigiinneersoq oqarpoq.

- Kalaallit Nunaannut takornariartartorpassuit ilisimasanngilaat puisit amiinik pisisinnaallutik EU-mullu angerlaallugit. Taamaattumik isumaqarpunga tamanna iluamik paasititsiniutigineqartariaqartoq, taamaalilluni Kalaallit Nunaanniit avammut tunisineq iluaquserneqassammat, Aaja Chemnitz Larsen oqarpoq.

Piumasarineqartoq tassaavoq Europami atuisartunut EU paasititsiniaasariaqartoq.

Bruxellesiarneq pissaaq Europa-Parlamentip Issittup siunissaa pillugu isumaliutissiissut akuerimmagu ullut pingasut qaangiutiinnartut. Taannattaaq oqallisigineqartunut ilaassaaq.

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!