EU-p kalaallit nassiuttagaat qularigai

Danskit naalakkersuisuisa Danmarkip nunatsinniit Danmarkimut inuussutissanik eqqussuinermut killissaritinneqartoq qaffassaguniuk, tamatuma EU-mit kinguneqartitsiffigineqarnissaa ernumagaat.

Danskit inuussutissaqarnermut ministeriat, Esben Lunde Larsen, Aaja Chemnitz Larsenimut Folketingimi akissuteqarluni allappoq.

Nunatsinniit Savalimmiuniilluunniit inuinnaat inuussutissat 10 kiilu tikillugu Danmarkimut nassarsinnaallugillu nassiussarsiarisinnaavaat. Kalaallit Savalimmiormiullu illuinut killissarititaq nassiussinermut ataatsimut 5 kiiluuvoq.

Malittarisassat EU-mi isumalioqatigiissitamit aalajangersarneqarnikuupput, Kommissionillu Danmarkimi alaatsinaannerit amerlanerulerneranni Kalaallit Illuutaasa inuinnaat nassiussinermi aningaasartuuteqannginnissaannut pillugu ataatsimoortumik nassiussisarnermik aaqqissuusseqataasarnerat isornartorsiornikuuaa.

Danskilli inuussutissanut aqutsisoqarfiata eqqussuinermut killissaritinneqartoq suli malinneqartoq qularnaveeqqusernikuuaa.

Danmarkilli inuussutissat qanoq amerlatigisut Kalaallit Nunaanni Savalimmiuniillu nassiunneqarsinnaanerannut killissaritinneqartoq qaffappagu EU-mi isumalioqatigiissitap Danmarkip nunanit taakkunannga ataatsimoortumik nassiussisarnerit itigartitsissutigissagai pinngitsaaliissutigisinnaassavaa.
 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!